Festivali i Kosit në Momçillovci!

Një tjetër edicion i “Festivalit të Kosit – Kulturë dhe Tradita” do të zhvillohet nga 28 deri më 30 gusht në fshatin Momçillovci, në rajonin e qytetit Smoljan. Festivali nis në orën 16:00, ndërsa dy orë më vonë do të bëhet hapja zyrtare.

Veprimtaria, e cila zhvillohet me moton “Momçillovci – djepi i jetëgjatësisë dhe mënyrës së shëndetshme të jetesës”, organizohet së bashku me kompaninë kineze Bright Dairy, e cila tregton në tregun kinez produktet e saj të bulmetit me emrin “Momçillovci”. Në kuadër të këtij bashkëpunimi, çdo vit në programin e festivalit marrin pjesë artistë kinezë, ndërsa organizohen edhe Pavijoni i Kulturës dhe Artizanatit Kinez, si dhe punëtori gatimi ku prezantohet kuzhina tradicionale kineze në zemër të Rodopeve.

Programi përfshin gjithashtu ekspozita të prodhuesve vendas të produkteve të bulmetit, panaire artizanale, koncerte me muzikë folklorike dhe konkursin e njohur të bukurisë “Mis Rodopi – Mbretëresha e Kosit”.

Lexoni më shumë në arkivin e Radio Bullgarisë:

• Kosi “Momçillovci” – hit në tregun kinez

• Momçillovci ofron rehati rurale dhe prehje shpirtërore në zemër të malit Rodopa

Redaktoi: Miglena Ivanova

Përgatiti në shqip: Svetllana Dimitrova